सुर्खेत । नेपाल पत्रकार महासंघ सुर्खेतले पत्रकारको नाममा परिचय–पत्र देखाएर हिडेको गुनासो आएपछि जिल्ला प्रशासन कार्यालय सुर्खेतलाई कारवाही गर्न अनुरोध गरेको छ । कोरोना महामारीको जोखिम बढी रहेको बेला पत्रकारका नाममा गैर–पत्रकारहरुले परिचय–पत्र देखाएर आवतजावत गरिरहेकालाई स्थानीय प्रशासनलाई कारवाही गर्न महासंघले अनुरोध गरेको हो ।

महासंघ सुर्खेतका अध्यक्ष ललित बसेलसहितको टोलीले मंगलबार वीरेन्द्रनगरमा गरेको अनुगमनमा दुई जना गैर–पत्रकारको परिचय–पत्र नियन्त्रणमा लिएको थियो । कोरोना संक्रमणको नियन्त्रण गर्न जारी गरिएको निषेधाज्ञामा दुई जनाले पत्रकारको नाममा परिचय–पत्र हिडेर प्रहरीलाई छलेको भेटाएपछि महासंघ सुर्खेतले स्थानीय प्रशासनलाई चेकिङ्गमा कडाइ गर्न अनुरोध गरेको हो ।

महासंघ अध्यक्ष बसेलसहितको टोली सुर्खेतका प्रमुख जिल्ला अधिकारी छविलाल रिजालसँगको भेटमा पत्रकारहरुको परिचय–पत्र सक्कली हुन वा नक्कली यसबारे कडाइका साथ चेक गर्न मौखिक जानकारी गरएको छ । महासंघ सुर्खेतका सचिव ललित बुढाले विज्ञप्ती जारी गर्दै निषेधाज्ञाको समयमा पत्रकारको नाममा भीडभाड बढेको, जथाभावी हिडडुल गरेको र गैर पत्रकारले पनि प्रेसको नक्कली परिचयपत्र बोकेर उलंघन गरेकाले प्रशासनलाई कारवाही गर्न अपिल गरेको nepaliraibar.com मा समाचार छ।

मंगलबार, बैशाख २१, २०७८मा प्रकाशित गरिएको