ज्वाला अपडेट
काठमाण्ठौ । नेकपाका अध्यक्षद्वय पुष्पकमल दाहाल प्रचण्ड र माधवकुमार नेपालले प्रधानमन्त्री केपी शर्मा ओली र निकट व्यक्तिहरुको दबाबबाट न्यायलयलाई मुक्त गर्न आन्दोलनको आह्वान गरेको छन् ।
अध्यक्षद्वयले संयुक्त अपिल जारी गर्दै सोमबार ओलीले अहिलेको संविधानलाई अचेत बनाएर न्यायपालिकालाई आफूअनुकूल निर्णय गराउन दबाब दिइरहेको आरोप समेत लगाएका छन् ।
‘प्रधानमन्त्री यतिबेला के ठिक र के बेठिक छुट्याउन सकिरहेका छैनन्। प्रतिनिधिसभालाई अचेत बनाएका छन् र न्यायपालिकालाई आफ्नो निर्णयको पक्षमा फैसला गर्न दबाब एवम् धम्की दिइरहेका छन्,’ अपिलमा भनिएको छ, ‘सर्वोच्च अदालतलाई प्रधानमन्त्री एवम् उनका आसेपासेहरुको दबाब र धम्कीबाट मुक्त हुने वातावरण निर्माण गर्नका लागि पनि सम्पूर्ण चेतनशील नागरिकहरु संघर्षको मैदानमा विरोधको तुमुल ध्वनीका साथ उपस्थित हुनु अनिवार्य भएको छ।’
६ पेज लामो र करिब २४ सय शब्द लामो विज्ञप्तिमा उनीहरुले राष्ट्र जोगाउन, देशमा बाह्य हस्तक्षेप हुन नदिन, लोकतन्त्रलाई सही मार्गमा पुनः हिँडाउन र संविधान जोगाउन प्रतिनिधिसभा पुनर्स्थापना गर्नु बाहेक अर्को विकल्प नदेखिएको बताएका हुन् ।
सोमबार, माघ ०५, २०७७मा प्रकाशित गरिएको
१.
२.
३.
४.
५.
६.
