ज्वाला अपडेट
सुर्खेत । सामाजिक सञ्जालमार्फत सामाजिक योगदान गर्दै आएको मोटेग्याङ्ग नेपालले सामाजिक क्षेत्रमा थप सक्रियता बढाउन थालेको छ । सन्देशमुलक र जनतेनामुकल क्षेत्रमा योगदान गरिरहेको नेपालले कर्णाली प्रदेश अस्पताललाई स्वास्थ्य सामग्री हस्तान्तरण गरेको हो ।
कर्णाली प्रदेशको राजधानी वीरेन्द्रनगर सुर्खेतबाट सञ्चालित सामाजिक सञ्जाल फेसबुकको समूह मोटे ग्याङ्ग नेपालले अस्पताललाई पिपिई सेट हस्तान्तरण गरेको छ ।
मोटे ग्याङ्ग नेपालका एडमिन कुमार शम्सेर थापाका अनुसार समूहलाई विभिन्न माध्यमबाट प्राप्त पिपिई सेट प्रदेश अस्पतालकाका निर्देशक प्रा.डा डम्बर खड्का र अस्पताल व्यवस्थापन समितिका अध्यक्ष श्याम कँडेललाई हस्तान्तरण गरिएको छ ।
समूहलाई मिस नेपाल श्रृंखला खतिवडा र हाम्रो सानो प्रयासले पिपिई सेट सहयोग उपलव्ध गराएको हो । प्रदेश अस्पतालले कोरोना संक्रमितहरुलाई आइसोलेशनसहितको सेवा दिइरहेकाले चिकित्सक र स्वास्थ्यकर्मीलाइ पिपिइ सेट अत्यावश्यक रहेकाले स्वास्थ्य सामग्री हस्तान्तरण गरिएको थापाले जानकारी दिए । उनले आगामी दिनमा समेत सामाजिक कार्यलाई उच्च प्राथमिकतामा राख्ने प्रतिवद्धता जनाए ।
शुक्रबार, मंसिर १२, २०७७मा प्रकाशित गरिएको
१.
२.
३.
४.
५.
६.
