लागूऔषधसहित एक युवा पहरी फन्दामा
ज्वाला अपडेट
सुर्खेत । परीक्षामा पास गराइदिने भन्दै करोडौं ठगी गरेको आरोपमा दैलेखका एक युवकलाई सुर्खेत प्रहरीले पक्राउ गरेको छ ।
जिल्ला प्रहरी कार्यालय सुर्खेतले अन्तरवार्ता तथा लिखित परीक्षामा उत्तीर्ण गराइदिन्छु भन्दै पीडितहरूबाट करोडौं रुपैयाँ ठगी गरी फरार रहेका दैलेखको भगवतीमाई गाउँपालिका ७ घर भई हाल सुर्खेतको वीरेन्द्रनगर नगरपालिका १२ मा बसोबास गर्दै आएका २२ वर्षीय पवन वि.क.लाई पक्राउ गरेको जिल्ला प्रहरी कार्यालय सुर्खेतका सूचना अधिकारी मोहनजङ्ग बूढथापाले जानकारी दिए ।
सूचना अधिकारी बूढथापाका अनुसार उनलाई खोजतलास गर्ने क्रममा मंगलबार दिउँसो करिब १स्३० बजे सुर्खेतको वीरेन्द्रनगर नगरपालिका ६ मा लुकिछिपी बसिरहेको अवस्थामा फेला पारेर पक्राउ गरिएको हो ।
पक्राउपछि उनलाई आवश्यक अनुसन्धानका लागि कार्यालयमा राखिएको छ । उँनीविरुद्ध ठगी मुद्दामा थप अनुसन्धान भइरहेको समेत प्रहरीले जनाएको छ ।
यसैविच, सुर्खेतको वीरेन्द्रनगरमा लागू औषध सहित एक युवक पक्राउ परेका छन् । पक्राउ पर्नेमा वीरेन्द्रनगर नगरपालिका ३ इटौरा निवासी २४ वर्षीय थीरबहादुर चौधरी रहेका छन् ।
उनलाई हिजो (सोमबार) दिउँसो करिब साढे १ बजेतिर लागूऔषध नियन्त्रण शाखा कार्यालय सुर्खेत र अस्थायी प्रहरी बिट लाटिकोइलीबाट खटिएको संयुक्त प्रहरी टोलीले पक्राउ गरेको जिल्ला प्रहरी कार्यालय सुर्खेतका प्रहरी नायब उपरीक्षक तथा सूचना अधिकारी मोहनजंग बुढथापाले जानकारी दिए ।
उनका अनुसार आफ्नै घरमा शंकास्पद रूपमा बसेको अवस्थामा चौधरीलाई चेकजाँच गर्दा ब्राउन सुगर जस्तो देखिने खैरो धुलो पदार्थ ७ पुडिया फेला परेको थियो । उक्त पदार्थ नापतौल गर्दा शुद्ध तौल ३२० मिलिग्राम रहेको बताइएको छ ।
लागुऔषधसहित चौधरीलाई नियन्त्रणमा लिएर आज लागूऔषध सम्बन्धी कसुरमा म्याद थप गरी थुनामा राखेर अनुसन्धान भइरहेको सूचना अधिकारी बुढथापाले जानकारी दिए ।
मंगलबार, चैत्र २४, २०८२मा प्रकाशित गरिएको
१.
२.
३.
४.
५.
६.
