सुर्खेत । जेठ २९ र ३० गते दुईदिन देशभरका सुनचाँदी पसल बन्द हुने भएका छन् । सरकारले ल्याएको आ.व २०८२÷०८३ को बजेटमा असन्तुष्ट जनाउँदै व्यवसायीहरुले देशभरका सबै सुनचाँदी पसल बन्द गर्न लागेका हुन् ।

सरकारले बजेट मार्फत सुनमा २ प्रतिशत विलासिता कर र हिरा, जवाहरात लगायतका बहुमूल्य वस्तुहरूमा १३ प्रतिशत भ्याट लगाउने निर्णय गरेपछि देशभरका सुनचाँदी व्यवसायीहरू आन्दोलित भएका हुन् ।

नेपाल सुनचाँदी व्यवसायी महासंघ, नेपाल सुनचाँदी रत्न तथा आभुषण महासंघ र हस्तकला महासंघका संयुक्त आह्वानमा देशभरका व्यवसायी तथा ग्राहक वर्गमा पर्न गएको असर मध्येनजर गर्दै विरोधका चरणवद्ध आन्दोलन गरेका छन् । सरकारले ल्याएको यस कर नीतिले व्यवसायी मात्र होइन आम उपभोक्ता समेत मारमा बताउँदै विलासिता करको नाममा व्यवसायलाई धरासायी बनाउने यस्तो नीति तत्काल खारेज हुनुपर्ने संघर्ष समितिका संयोजक विपिन रामुदामुले ज्वाला अपडेटलाई जानकारी दिए ।

बुधबार, जेठ २९, २०८२मा प्रकाशित गरिएको