ज्वाला अपडेट
सुर्खेत । जाजरकोटमा अनुगमनका लागि गएका सब–इन्जिनियरमाथि ढुंगा र रड प्रहार हुँदा घाइते भएका छन् ।
घाइते हुनेमा बारेकोट गाउँपालिकामा कार्यरत सब–इन्जिनियर हिमाल पुन रहेका छन् । उनीमाथि सोही गाउँपालिकाको वडा नम्बर ६ का टेकेन्द्र नेपालीले ढुंगा र रड प्रहार गरेको जिल्ला प्रहरी कार्यालय जाजरकोटका सूचना अधिकारी, प्रहरी निरीक्षक हरिराम डाँगीले बताए ।
उनका अनुसार नेपाली कार्कीज्यूला भन्ने गाउँको सीता माध्यमिक विद्यालय व्यवस्थापन समितिका अध्यक्ष हुन् । आइतबार बेलुका ४ बजेतिर सब–इन्जिनियर पुन विद्यालयको दिवा खाजा भवनको अनुगमन तथा निरीक्षण गर्न पुगेका थिए । सो क्रममा भवनको गुणस्तरको विषयलाई लिएर विवाद उत्पन्न भएको उनले प्रहरी निरीक्षक डाँगीले बताए ।
यद्यपि नेपाली भने अझै पक्राउ पर्न सकेका छैनन् । प्रहरी निरीक्षक डाँगीका अनुसार घटना भएको स्थानदेखि प्रहरी कार्यालयबाट ३ घण्टाको दुरीमा पर्छ । खबर पश्चात् प्रहरी त्यहाँ खटेको भए पनि नेपाली भने फरार छन् । उनको खोजी कार्य भने भइरहेको प्रहरीले जनाएको छ ।
मंगलबार, चैत्र ०४, २०८१मा प्रकाशित गरिएको
१.
२.
३.
४.
५.
६.
