ज्वाला अपडेट
सुर्खेत । सुर्खेतको वीरेन्द्रनगर नगरपालिका १ को वडा कार्यालयमा आगजनी गरिएको छ । बुधबार बिहान १० बजेतिर वडा कार्यालयमा आगजनी गरिएको हो । सेवाग्राहीले वडा अध्यक्ष कार्यालय समयमा नआएको भन्दै आगजनी गरेका हुन् ।
कसले आगजनी गरेको भन्ने खुलेको छैन । वडा अध्यक्ष गंगाराम सुनारका अनुसार आगजनी गर्नेविरूद्ध जिल्ला प्रहरी कार्यालयमा जाहेरी दिने तयारी गरिएको छ ।
उनका अनुसार वडा अध्यक्षको कार्यकक्षका कुर्ची, टेबुल, सोफालगायत सबै सामान र कागजात जलेका छन् । राजश्व फाँट र कम्प्युटर कक्षका विद्युतीय तार काम नलाग्ने गरी जलेको उनले जानकारी दिए ।
वडाध्यक्ष सुनारका अनुसार महिला वडा सदस्य बुद्धिसरा सुनार कार्यवाहक वडा अध्यक्ष छन् । आफूले नै गर्नुपर्ने काम भए पनि केही समय कुर्न भनेको उनले बताए ।
बुधबार, आश्विन ०६, २०७८मा प्रकाशित गरिएको
१.
२.
३.
४.
५.
६.
