ज्वाला अपडेट
सुर्खेत । सुर्खेतको वीरेन्द्रनगरमा टिप्पर दुर्घटना हुँदा ३ जना घाइते भएका छन् । यरीचोक देखि मंगलगढीचोक तर्फ जार्दै गरेको बा ४ ख ९८५३ नम्बरको टिप्पर चाइना पुलमा दुर्घटना हुँदा चालक सहित ३ जना घाइते भएको हुन् ।
घाइते हुनेमा चालक थाक्रे गाउँपालिका वडा नम्बर ३ धादिङका २३ वर्षीय राम मगर, सहचालक सोही गाउँपालिका वडा नम्बर ७ का २९ वर्षीय रमेश कोइराला र सवार ललितपुर गोदावरी नगरपालिका वडा नम्बर १ का माधव खत्री रहेको ट्राफिक कार्यालय सुर्खेतका प्रमुख उपेन्द्र आचार्यले जानकारी दिए ।
बजार क्षेत्रमा समान ओसार पसार गर्ने क्रममा उच्च गतिमा भएकोले पुलबाट तल खसेको बताउर्दै घाइतेको अवस्था सामान्य रहेको र सुर्खेत हस्पिटलमा उपचार भइरहेको प्रमुख आचार्यले जानकारी दिए ।
आइतबार, चैत्र १५, २०७७मा प्रकाशित गरिएको
१.
२.
३.
४.
५.
६.
