गोविन्द बिश्वकर्मा
सुर्खेत । नेपाल सुन चाँदी व्यवसायी महासंघ कर्णाली प्रदेशको संयोजकमा सुर्खेतका जनक सुनार चयन भएका छन् ।
सोमबार प्रदेशका पुर्व संयोजक रामजी शाहको अध्यक्षतामा बसेको अनलाइन बैठकबाट सुनार सहित १३ जनाको कार्यसमिति चयन भएको हो ।
समितिको उपसंयोजक सल्यानका घनश्याम नेपाली र दैलेखका युवराज सुनार, सचिवमा सुर्खेतका चित्र सुनार, सहसचिवमा सल्यानका दलविर सुनार, कोषाध्यक्षमा सुर्खेतका भक्तबहादुर सुनार र सह कोषाध्यक्षमा दैलेखका टेकबहादुर सुनार चयन भएका छन् ।
यस्तै समितिको (जिल्ला तथा नगर) सदस्यमा राम बहादुर विक, दैलेख, रेशम सेन्चुरी, सुर्खेत, सदस्य विषयतमा नोखिराम सुनार, सल्यान, भुपेन्द्र सुनार, सुर्खेत चयन भएका छन् । यस्तै समितिकै सदस्य (एसोसियट) मा तिर्थ सुनार, सुर्खेत र बखते सुनार सुर्खेत चयन भएका छन् ।
बैठकले २ जना केन्द्रीय सदस्य पनि सर्वसम्मत चयन गरेको अध्यक्ष सुनारले जानकारी दिए ।
नव निर्वाचित अध्यक्ष सुनारले बैंकहरुले सुन सुर्खेतबाटै उपलब्ध गराउनुपर्ने धारण राख्दै परम्परागत सीपलाई आधुनिकीरण गराउन सरकारले विभिन्न तालीम र प्रशिक्षको व्यवस्था गर्नुपर्ने बताए ।
मंगलबार, आश्विन ०६, २०७७मा प्रकाशित गरिएको
१.
२.
३.
४.
५.
६.
