ज्वाला अपडेट
सुर्खेत । पछिल्लो २४ घण्टामा कर्णालीमा थप ३५ जनामा कोरोना पुष्टि भएको छ । सुर्खेत र रुकुमपश्चिमको प्रयोगशालामा गरिएको परीक्षणमा ३५ जना कोरोना संक्रमितका नयाँ विरामी थपिएका हुन् । संक्रमित हुनेमा रुकुमपश्चिमका २३, सुर्खेत ६, सल्यानका पाँच र मुगुका एक जना छन् ।
नयाँ संक्रमितसहित कर्णालीमा कोरोना संक्रमितको कुल संख्या तीनहजार ६३ पुगेको सामाजिक विकास मन्त्रालयका स्वास्थ्य शिक्षा अधिकृत नवराज कंडेलले जानकारी दिए । नयाँ संक्रमितहरु होम, अस्पताल तथा पालिकाले बनाएका आइसोलेसनमा जानेक्रममा रहेको कंडेलको भनाई छ ।
यस्तै, पछिल्लो २४ घण्टामा कर्णालीमा कोरोना जितेर डिस्चार्ज हुनेको संख्या १६ जना छन् । योसँगै कर्णालीमा डिस्चार्ज हुनको संख्या दुई हजार ६ सय ४९ जना छन् । कर्णालीमा कोभिड–१९ का संक्रिय विरामीके संख्या चार सय आठ जना छन् ।
कर्णालीमा हालसम्म ६९ हजार ९७१ जनामा आरटी पीसीआर परीक्षण गरिएको छ । योमध्य तीन हजार ६३ जनाको पोजेटिभ र ६६ हजार एकसय ६० जनाको रिपोर्ट नेगेटिभ आएको छ । प्रदेशमा एकहजार आठसय ८६ बेड आइसोलेसन, तीनसय ५७ क्वारेन्टाइनमा २२ हजार आठसय ५५ वटा बेड संख्या रहेको छ । क्वारेन्टाइनमा रहनेको संख्या भने सात सय ४१ जना छन् ।
शुक्रबार, आश्विन ०२, २०७७मा प्रकाशित गरिएको
१.
२.
३.
४.
५.
६.
