ज्वाला अपडेट
काठमाडौं । सत्तारुढ दल नेकपाका उपाध्यक्ष वामदेव गौतमले पार्टीभित्र सक्रिय भएको कुनैपनि गुटमा आफ्नो संलग्नता नभएको बताभएको छ । गौतमले पार्टीमा सक्रिय तीन गुटमध्ये कुनैमा पनि आफ्नो सक्रियता नभएको दाबी गरेका हुन् ।
पार्टीभित्र देखापरेका अन्तरविरोध हल हुन नसक्दा अध्यक्षद्वय केपी शर्मा ओली र पुष्पकमल दाहाल तथा वरिष्ठ नेता माधवकुमार नेपालको नामका गुट सक्रिय भएको गौतमको तर्क छ । आफ्नाबारे भ्रामक प्रचार गरिएको भन्दै शुक्रबार विज्ञप्ति जारी गर्दै गौतमले अध्यक्षद्वयले भेट्न बोलाउँदा आफू जाने गरेको उल्लेख गरे ।
आफूलाई स्वतन्त्र राख्ने कोसिस गरेको भन्दै उनले प्रमाणको रुपमा आफूले केही दिनअघि पार्टीमा राखेको छ बुँदे प्रस्तावलाई लिन अनुरोध गरे । फरक प्रसंगमा गौतमले लगानी बोर्डमा सुशील भट्टलाई प्रमुख कार्यकारी अधिकृत नियुक्त गर्न प्रधानमन्त्रीसँग आफूले सिफारिस गरेको विषय कपोलकल्पित तथा भ्रामक भएको समेत स्पष्ट पारे ।
शुक्रबार, साउन २३, २०७७मा प्रकाशित गरिएको
१.
२.
३.
४.
५.
६.
