ज्वाला अपडेट
सुर्खेत — सुर्खेतको वीरेन्द्रनगर नगरपालिका–११ झुप्राखोलामा पौडी खेल्ने क्रममा एक युवकको डुबेर मृत्यु भएको छ।
मृत्यु हुनेमा वीरेन्द्रनगर–११ सुब्बाकुना निवासी लालबहादुर ठाडा मगरका करिब २० वर्षीय छोरा मनोज ठाडा मगर रहेका छन्। बुधबार राति करिब ९ बजे झुप्राखोलामा पौडी खेल्ने क्रममा उनी पानीमा डुबेका थिए।
गम्भीर अवस्थामा रहेका उनलाई उपचारका लागि उनका बुवाले राति ११:४५ बजे कर्णाली प्रदेश अस्पताल, कालागाउँ पुर्याएका थिए। तर अस्पतालका चिकित्सकले उनलाई मृत घोषणा गरेका थिए।
घटनाबारे अस्पतालमा खटिएका प्रहरी हवल्दार कृष्ण थापाले जिल्ला प्रहरी कार्यालय सुर्खेतलाई जानकारी गराएका थिए। त्यसपछि प्रहरी चौकी सुब्बाकुनाबाट प्रहरी सहायक निरीक्षक अनिलकुमार शाहीको कमाण्डमा प्रहरी टोली खटिएको प्रहरीले जनाएको छ।
प्रहरीका अनुसार घटनाको थप अनुसन्धान भइरहेको छ।
१.
२.
३.
४.
५.
६.
