ज्वाला अपडेट
सुर्खेत
जिल्ला ट्राफिक प्रहरी कार्यालयका प्रमुख रोहितकुमार शाहीको निर्देशनमा अस्पष्ट, मेटिएका तथा नबुझिने नम्बर प्लेट भएका सवारीसाधनलाई पुनः स्पष्ट रूपमा नम्बर लेख्न लगाउने अभियान सञ्चालन गरिएको छ।
नियमित सवारी चेकजाँचका क्रममा नम्बर प्लेट स्पष्ट नदेखिएका सवारीसाधनलाई रोक्दै तत्काल सुधार गर्न लगाइएको हो। ट्राफिक प्रहरीले सवारीसाधनको पहिचान सहज बनाउन, दुर्घटना तथा आपराधिक घटनाको अनुसन्धानमा सहयोग पुर्याउन र ट्राफिक नियमको प्रभावकारी कार्यान्वयन गर्न यस्तो अभियान सञ्चालन गरिएको जनाएको छ।
प्रमुख शाहीले सबै सवारीधनी तथा चालकलाई मापदण्डअनुसार नम्बर प्लेट राख्न र ट्राफिक नियमको पूर्ण पालना गर्न आग्रह गरेका छन्।
मंगलबार, जेठ २६, २०८३मा प्रकाशित गरिएको
१.
२.
३.
४.
५.
६.
