ज्वाला अपडेट
दैलेख । दैलेखमा भएको ईभी हाइस दुर्घटनामा घाइते भएकी ३६ वर्षीया संगीता राना मगरको उपचारको क्रममा निधन भएको छ । उनको भेरी अस्पतालमा उपचार भइरहेका बेला मृत्यु भएको पुष्टि भएको हो ।
यसअघि गुराँस गाउँपालिका ४ रिठा नजिक भएको उक्त दुर्घटनामा उनी गम्भीर घाइते भएकी थिइन् ।
सुर्खेतबाट दैलेखतर्फ आउँदै गरेको ईभी हाइस ब्रेक फेल भई सडकमा पल्टिँदा चालकसहित १३ जना सवारमध्ये उनी एक्लै गम्भीर घाइते भएकी थिइन् भने अन्य यात्रु सकुशल रहेका थिए ।
घटनाले स्थानीय तहमा शोकको वातावरण सिर्जना गरेको छ । प्रहरीका अनुसार घटनाबारे थप अनुसन्धान जारी रहेको छ ।
बुधबार, चैत्र १८, २०८२मा प्रकाशित गरिएको
१.
२.
३.
४.
५.
६.
