ज्वाला अपडेट
सुर्खेत । सुर्खेतको गुर्भाकोट नगरपालिका १२ की ३१ वर्षीया माया कठायत आफ्नी ११ वर्षीया छोरी र ६ वर्षका छोरासहित भेरी नदीमा बगेर बेपत्ता भएको आशंकामा खोजी भइरहेको छ ।
प्रहरी प्रमुख धिरजराज शाहीका अनुसार आइतबार दिउँसोदेखि खोजी कार्य जारी रहे पनि तीनै जनालाई हालसम्म फेला पार्न सकिएको छैन । खैरेनी टापु नजिक नदी किनारमा मायाको सल, बच्चाहरूका चप्पल, कपडा, झोला र पैसा फेला परेको छ ।
स्थानीयका अनुसार केही दिनअघि श्रीमानसँग झगडा भएपछि माया आफ्ना सन्तानसहित काकाको घरमा बसेकी थिइन् । पछि घर फर्किने भन्दै निस्केकी उनीहरूलाई टाढाबाट नदी किनारतिर हिँडिरहेको देखिएको थियो ।
गोताखोरसहित सुरक्षाकर्मीले तीनै जनाको खोजी कार्य जारी राखेका छन् ।
सोमबार, चैत्र ०२, २०८२मा प्रकाशित गरिएको
१.
२.
३.
४.
५.
६.
