ज्वाला अपडेट टीम
सुर्खेत । सुर्खेत वीरेन्द्रनगरका सडकहरूमा रहेका खाल्डा खुल्डीहरु ट्राफिक प्रहरीले पुर्ने काम गरेको छ ।
जिल्ला ट्राफिक कार्यालय सुर्खेतका प्रमुख प्रहरी निरिक्षक रोहित शाहीको कमाण्डमा ट्राफिक प्रहरी टोलीले वीरेन्द्रनगर नपा १२ यअरपोर्टचोक देखि कालिञ्चोक सम्मको सडकमा भएका खाल्डा खुल्डी पुरिएको छ ।
लामो समयदेखि रहेका खाल्डाखुल्डीका कारण सवारी आवागमनमा समस्या र दुर्घटनाको जोखिम बढिरहेको अवस्थामा जिल्ला ट्राफिक कार्यालय सुर्खेतले आफ्नै पहलमा सडक मर्मत अभियान सुरु गरेको हो ।
सडकमा सुरक्षित सवारी सञ्चालन सुनिश्चित गर्नु, दुर्घटना न्यून बनाउनु र सर्वसाधारणका दैनिक आवागमन सहज बनाउनु अभियानको उद्देश्य रहेको कार्यालय प्रमुख शाहीले जानकारी दिए ।
प्रमुख शाहीले भने, “सडकका खाल्डा केवल असुविधा मात्र होइन, दुर्घटनाको प्रमुख कारण हुन् । हामीले जनसहभागितासँगै साना प्रयासबाट ठूलो सुधार ल्याउने लक्ष्य लिएका छौं,” आगामी दिनमा पनि अभियानलाई निरन्तरता दिने प्रतिबद्धता जनाए ।
स्थानीय बासिन्दा र सवारी चालकहरूले यस अभियानको प्रशंसा गर्दै ट्राफिक कार्यालयको पहलले सुर्खेतका सडक सुधारमा नयाँ उदाहरण पेश गरेको प्रतिक्रिया दिएका छन् ।
जिल्ला ट्राफिक कार्यालयले आगामी दिनमा सुर्खेतका अन्य सडक खण्डमा पनि क्रमिक रूपमा सुधार अभियान विस्तार गर्ने तयारी गरेको जनाएको छ ।
मंगलबार, कार्तिक १९, २०८२मा प्रकाशित गरिएको
१.
२.
३.
४.
५.
६.
