ज्वाला अपडेट
काठमाडौं । सर्वोच्च अदालतमा आजदेखि प्रतिनिधिसभा विघटनविरुद्ध रिट निवेदन दर्ता खुल्नासाथ हालसम्म ६ वटा रिट पेस भएका छन् ।
असोज २४ गतेको जेनजी प्रदर्शनका क्रममा अदालतमा भएको आगजनी, ढुङ्गामुढा, तोडफोड र लुटपाटका कारण बन्दी प्रत्यक्षीकरण र अत्यावश्यक निवेदनबाहेक सबै काम अस्थायी रूपमा रोकिएको थियो ।
आजदेखि रिट निवेदन दर्ता र सुनुवाइ खुलेसँगै प्रतिनिधिसभा विघटनविरुद्धको निवेदनहरू पनि लगातार दर्ता भइरहेका छन् । सर्वोच्च अदालतका प्रवक्ता अर्जुनप्रसाद कोइरालाका अनुसार दर्ता भएका ६ वटा रिट निवेदनहरूको अध्ययन भइरहेको छ ।
असोज २६ गते प्रधान न्यायाधीश प्रकाशमान सिंह राउतसहित सम्पूर्ण न्यायाधीशको फूल कोर्टले आजदेखि रिट निवेदन दर्ता र सुनुवाइ गर्ने निर्णय गरेको थियो ।
बुधबार, आश्विन २९, २०८२मा प्रकाशित गरिएको
१.
२.
३.
४.
५.
६.
