ज्वाला अपडेट
बाँके । ‘जेनजी’ आन्दोलनको क्रममा काठमाडौँमा ज्यान गुमाएका नेपालगञ्जका दुई युवकको दाहसंस्कार गरिएको छ ।
नेपालगञ्ज उपमहानगरपालिका १ धम्बोझी निवासी सुलभराज श्रेष्ठ र आयुष थापाको पार्थिव शरीरलाई नगर परिक्रमा पछि राप्ती नदीको सिधनियाघाटमा आज दाहसंस्कार गरिएको हो ।
सुलभराज र आयुषको शव शुक्रबार नेपालगञ्ज ल्याइएको हो। नेपालगञ्ज उपमहानगरपालिका १ धम्बोझी निवासी १९ वर्षीय आयुष थापा र २३ वर्षीय सुलभराज श्रेष्ठको आन्दोलनका क्रममा प्रहरीले प्रहार गरेको गोली लागेर गत सोमबार निधन भएको हो ।
फिनल्यान्ड जाने तयारीका निम्ति आयुष काठमाडौं गएका थिएभने सुलभराज काठमाडौंको कान्तिपुर इञ्जिनियरिङ कलेजमा सिभिल इन्जिनियरिङका विद्यार्थी थिए ।
फाइल तस्विर प्रयाेग
शनिबार, भाद्र २८, २०८२मा प्रकाशित गरिएको
१.
२.
३.
४.
५.
६.
