ज्वाला अपडेट
जिल्ला प्रशासन कार्यालय दैलेखले कुनैपनि सेवा लिनका लागि निवेदन लेख्न नपर्ने व्यवस्था मिलाएको छ ।
जिल्ला प्रशासन कार्यालय दैलेखले सेवाग्राहीलाई झन्झट कम गर्न अबदेखि निवेदन लेख्न नपर्ने व्यवस्था मिलाएको हो । कार्यालयले जारी गरेको सूचनामा कुनै पनि सेवा लिदा निवेदन लेख्नु नपर्ने व्यवस्था मिलाएको प्रशासकीय अधिकृत गणेश प्रसाद कोइरालाले बताए ।
वडा कार्यालयको सिफारिस भएको खण्डमा प्रशासनको हेल्प डेक्सबाटै कामकाज अगाडि बढ्ने प्रशासकीय अधिकृत कोइरालाले वताए । जिल्ला प्रशासनले कार्यालय हाताभित्र अहिले सेवाग्राहीको स्वास्थ्य चेकजाँचका साथै जनगुनासो सुन्दै आएको छ ।
केही दिन अगाडी मात्र दैलेख आएका प्रमुख जिल्ला अधिकारी बर्दिनाथ गैह्रे गृह मन्त्रालयमा स्वच्छ र निडर प्रशासकको छवि वनाएका छन् । प्रमुख जिल्ला अधिकारी गैह्रेको उक्त कदमले दैलेख जिल्लामा पनि नयाँ काम गर्न खोजिएको देखीएको स्थानीयले वताए ।
शुक्रबार, बैशाख २६, २०८२मा प्रकाशित गरिएको
१.
२.
३.
४.
५.
६.
