अनलाइन खबर
बाँके । बाँकेको कोहलपुर नगरपालिका ३ मैटहवा नजिक टिप्परले भ्यानलाई ठक्कर दिँदा १३ जना घाइते भएका छन् । सोमबार बिहान पूर्व – पश्चिम राजमार्गअन्तर्गत कोहलपुरबाट बाँसगढीतर्फ जाँदै गरेको भे १ ज ७४७ नम्बरको भ्यानलाई पछाडिबाट टिप्परले ठक्कर दिँदा घाइते भएका हुन् ।
घाइते हुनेमा बाह्रबर्दिया नगरपालिका ७की ३१ वर्षीया सुनिता नेपाली, बासगढी नगरपालिका ४ बस्ने ३६ वर्षीय रमेश थारू, सुर्खेत लेकबेसी ४ का ४७ वर्षीय प्रेम चदारा रहेका छन् ।
यस्तै गुलरिया बाह्रबर्दिया ९की २० वर्षीया अन्जु चौधरी, कोहलपुर १० बस्ने ३९ वर्षीया कमला कुमारी देवकोटा, बैजनाथ गाउँपालिका ६ बस्ने ३१ वर्षीया अप्सरा बुढाथोकी,बैजनाथ गाउँपालिका ५ बस्ने २० वर्षीया सपना परियार घाइते भएकी छिन् ।
यस्तै बासगढी नगरपालिकाकी ५० वर्षीया विष्णुकला खत्री, बासगढी नगरपालिका २ बस्ने २० वर्षीय प्रशान्त विष्ट, बैजनाथ गाउँपलिका ६ बस्ने ३० वर्षीय करण डडेल, कोहलपुर नगरपालिका ५ बस्ने ४० वर्षीया टीका कुमारी डीसी , बैजनाथ गाउँपालिका ३ बस्ने ५८ वर्षीय पठे एरी र म्याजिक चालक कोहलपुर २ बस्ने २७ वर्षीयप्रदीप विक घाइते भएका छन् ।
उनीहरूमध्ये ७ जना सामान्य उपचार गरेर घर फर्किइसकेका छन् भने बाँकी ६ जनाको उपचार नेपालगञ्ज मेडिकल कलेज कोहलपुर शिक्षण अस्पतालमा भइरहेको प्रहरीले जनाएको छ ।
यता, म्याजिक भ्यानलाई ठक्कर दिने टिप्पर र चालकलाई नियन्त्रणमा लिएर थप अनुसन्धान भइरहेको इलाका प्रहरी कार्यालय कोहलपुरले जनाएको छ ।
सोमबार, पौष ०२, २०८०मा प्रकाशित गरिएको
१.
२.
३.
४.
५.
६.
